Ikaztegietan hainbat motatako jarduerak prestatu dituzte azarorako zein abendurako. Bihar hasiko dute egitaraua Goazen telesailaren estreinaldiarekin, eta jarduera bereiziak prestatu dituzte Emakumeen Kontrako Indarkeriaren Aurkako egunerako eta Euskararen egunerako.
Datozen asteetan zehar askotariko hitzorduak izango dituzte ikaztegietarrek, horien artean, tertulia literarioak, herri krosa, ihes gela, antzerki emanaldiak, txokolate-jateak eta beste zenbait jarduera Gabonen harira.
Bi hilabeteetako egitarauak osorik eskuragarri daude Ikaztegietako Udalaren web orrialdean.