Ikaztegietako Udalak txakurren gorotzak jasotzeko poltsak eta ontzia jarri ditu herritarren eskura. Eskolaren antzean jarri dute ontzia, eta txakurrak dituztenei erabiltzea gomendatu diete.
Hari berari tiraka nabarmendu dute udaletik txakurren gorotzak ezin direla jaso gabe utzi: «Herriko belardietan ere jaso egin behar dira, eta dagokien lekuan bota». Besteak beste, bi arrazoi azaldu dituzte: batetik, etxeetatik gertu dauden eremuetan geratzen direnen usaina etxeetara iristen delako; eta, bestetik, belarra mozterakoan sakabanatu eta langileak zikindu egiten direlako.
«Gizalegez jokatzea» eskatu diete herritarrei: «Gizalegez jokatzea eskatzen dugu, eta besteekiko errespetuz aritzea. Dagoeneko hala egiten baduzu, eskerrak ematen dizkizugu».