Ikaztegietako jaietan kuadrillen eguna dute gaur. Eguerdian plazako aterpearen inguruan bildu dira herriko kuadrillak eta bakoitzak bere paella prestatu du. Arratsaldean Atzarbale elektrotxarangak girotuko du herria, eta iluntzean zahagiardoa egingo dute.
Eguna bukatzeko, berriz, Bide Batez taldeak erromeria eskainiko du. Festetako azken eguna bihar izango dute: San Lorentzo eguna. Goizetik iluntzera denetariko jarduerak izango dituzte.