Ikaztegietan gaur hasi dituzte San Lorentzo jaiak. Festen hasierako suziria azken 18 urteetan Txakolin dastatzea antolatu duen herritar taldeak bota du, eta herriko festak errespetuz zein berdintasunez ospatzeko aldarria egin dute.
Gaurtik igandera ospatuko dituzte festak, eta umeen egunarekin hasi dituzte. Hori horrela, arratsaldean ur jolasak eta patata tortilla lehiaketa izango dituzte, besteak beste. Iluntzean berriz, Ezezez eta Lukiek musika taldeak igoko dira oholtzara. Haiek amaitutakoan, berriz, DJ Uzkuluzek girotuko du gaua.
Bihar herriko kuadrillak izango dira protagonista; eta igandean, berriz, San Lorentzo eguna ospatuko dute. Egitaraua osorik eskuragarri dute Ataria.eus-en.
