Ikaztegietako Udalak hasi ditu herriko festak antolatzeko bilerak. Dagoeneko egitaraua «zehaztu xamar» dutela aurreratu badute ere, nabarmendu dute bileretan elkartzen den taldetxoa ez dela nahikoa herriko festak aurrera eramateko: «Jende gehiago behar da festez denok gozatu dezagun, eta gutxi batzuen gain eror ez daitezen ardura guztiak».
Hori horrela, festak antolatzen laguntzeko bilera irekiak egingo dituzte, eta datorren asteazkenean —maiatzaren 7an— egingo dute lehena, 18:30ean, udaletxeko batzar aretoan. Bilera horretan zehaztuko dute zein betebehar zehatz izango dituzten boluntarioek, besteak beste, txakolin dastatzean, patata tortilla lehiaketan eta abar.