Ikaztegietako Udalak elizaren ondoko parkerik zaharrena kendu eta berria jarri nahi du urte honetan zehar, eta, aurretik, herritarren iritzia jaso nahi du. «Nolako parkea egin erabakitzeko, bertan egoten zaretenen iritzia eta proposamenak jaso nahi ditugu, parke berria zuen neurrira egitea gustatuko litzaigukeelako», horrela adierazi dute gonbidapena udaleko ordezkariek.
Hain zuzen, iritziak eta proposamenak adierazteko datorren asteko ostegunean, otsailaren 6an, bilduko dira, 17:00etan, udaletxeko batzar aretoan (lehenengo pisuan). Bertaratzera gonbidatu dituzte parkea erabiltzen duten herritarrak, besteak beste, eskolako irakasleak, gurasoak, aiton-amonak eta zaintzaileak.