Istripu bat dela-eta itxita dago N-1 errepidea Gasteizerako norabidean

Ataria 2025ko urt. 30a, 12:30

Auto pilaketak N-1 errepidean, Gasteizerako noranzkoan, Ikaztegieta inguruan.

Hainbat autoren artean izan da istripua, eta itxita dago N-1 errepidea, Gasteizerako noranzkoan, 425. kilometroan (Legorreta parean).

Ibilgailu askoren arteko istripua gertatu da N-1 errepideko 425. kilometroan (Legorreta inguruan), Gasteizerako noranzkoan eta, ondorioz, itxita dago errepidea. Auto pilaketak sortzen ari dira.

[Eguneraketa - 12:30]

Segurtasun sailaren arabera sei kilometrorainoko auto ilarak sortu dira eta, ondorioz, trafikoa bideratzen ari dira Alegiako irteeratik, hain zuzen, GI-2131 errepidetik. Alabaina, bigarren bide horretan ere auto pilaketak sortu dira dagoeneko.

Antza, istripua gertatu den unean anbulantzia bat bertaratu da eta gidari bat Tolosako erietxera eraman dute, zauri arinengatik.


Auto-ilarak N-1 errepidean (zubian) zein GI-2131 errepidean (behean). ATARIA

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!