Bi urtez behin egiten dute Ikaztegietako azoka eta, dagoeneko, zabalik dago datorren urtekoan izena emateko epea. Apirilaren 5ean, hilabetearen lehen larunbatean, herriko plazan egingo dute azoka eta bertan postua jarri nahi izanez gero, izena eman behar da urtarrilaren 12a baino lehen.
Postua eskatzeko formularioa eskuragarri dago Ikaztegietako Udalaren web orrialdean eta bete ondoren hainbat modutan aurkeztu daiteke: fisikoki, udaletxeko buzoian sartuz; eta, telematikoki, argazkia bidaliz 688 635 775 telefono zenbakira, Telegram edo Whatsapp aplikazioen bidez.