Bigarren urtez antolatu dute Ikaztegietan garagardoaren azoka. Eguerdirako zabaldu dute, eta herritarrak gerturatuz joan dira garagardo mota desberdinak dastatzera. Azokarekin batera, bazkaria ere egin dute, eta 70 herritar inguru elkartu dira. Garagardoaren bueltako jakiak izan dituzte, hala nola, txerri ukondoa, saltxitxak eta patata purea.
Bazkalostean jarraitu du azokak, izan ere, jai giroarekin jarraitzeko bingoa, toka, pitxar lehiaketa eta zerbeza kupel lasterketa izan dituzte.