Azken urteetan bezala Ikaztegietako Udalak hainbat ikastaro eta jarduera prestatu ditu aurtengo ikasturterako. Zabalik dago horietan izena emateko epea, eta irailaren 20a izango da horretarako azken eguna. Izena emateko udaletxera bertaratu behar da eta, bestela, 943 65 33 29 zenbakira deitu.
Ikaztegietako Udalak prestatu dituen jardueren artean daude: euskara ikastaroak, zeinak %100 bitarteko diru laguntzak izango dituzten; hiruhileko ikastaroak (iturgintza, mekanika, elektrizitatea...); eta kirol jarduerak.
Jarduerei eta ikastaroei buruzko informazio gehiago eskuragarri dago Ikaztegietako Udalaren web orrialdean.