EH Bilduko zenbait ordezkarik tren zerbitzuari buruzko kexak helaraziko dizkiote Espainiako Garraio eta Mugikortasun Jasangarrirako ministroari. Eskutitz bana bidaltzeko konpromisoa azaldu dute, helburu izanik egoera «onartezina» dela adieraztea eta Irun-Brinkola arteko aldiriko zein distantzia erdiko lineatako zerbitzuaren maiztasuna eta ordutegiak «urgentziaz berma ditzala» eskatzea.
Aizpea Otaegi Errenteriako alkateak egin ditu adierazpenak denen izenean eta, besteak beste, kalteak «ahalik eta gehien» gutxitzeko eskatu du: «Ahalik eta gehien gutxitu dezatela Adif eta ETS Gipuzkoan egiten ari diren AHTren obrek aldiriko zein distantzia erdiko trenen zirkulazioan eragiten duten kaltea».
Eskualdea alderik alde zeharkatzen du Irun-Brinkola lineak eta agerraldian izan da Alba Garmendia Ikaztegietako alkatea.