Goizetik arratsaldera solasaldia, bazkaria eta zuzeneko musika antolatu dituzte Mendebaldeko Saharako gatazka gogoraraztea eta bi herrien arteko harremana sendotzea helburu.
Eguneko lehen hitzordua solasaldia izan da, hain zuzen, liburuak aurkeztu dituzte Kristina Berasain kazetariak eta Taleb Alisalem geopolitikan adituak. Ikaztegietako Udaleko erabilera anitzeko gelan egin dute solasaldia eta euskaratik hassaniarako itzulpena egon da.
Herriko plazan haima bat ere muntatu dute erresistentziaren ikur, eta ondoan bi mahai ilara, bazkarirako prest. Arratsaldean kontzertuak izango dituzte plazan bertan jarri duten karpan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
