Bake epailea hautatzeko deialdia, zabalik

Tolosaldeko Ataria 2023ko mar. 17a, 11:21

Interesa duenak apirilaren 14a bitarteko epea izango du izena emateko, Ikaztegietako udaletxean; kargua lau urterako izango da.

Ikaztegietako bake epaile lanak 4 urteko agintaldia du eta epealdia amaitzear dagoen honetan, deialdia zabaldu dute bake epaile berri bat izendatzeko. Lan hori egiteko interesa duenak udaletxean eman beharko du izena apirilaren 14a baino lehen.

Izena emateko, estatu espainiarrekoa eta adinez nagusia izan behar da eta ez da inolako titulazio berezirik eska­tzen, bake epailearen betebehar eta eginkizunak bete­tzeko behar adinako gaitasuna izatea baizik. Legez ezarritako sistema eta kopuruen arabera ordainduko zaiela ohartarazi du udalak. Informazio gehiago nahi duenak udaletxean galdetu dezake.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!