Apirilaren 22an ospatuko dute Euskal Azoka, eta udalak herritarrak animatu nahi ditu postuak jartzera; izena otsailaren 27a baino lehen eman beharko da.
Bi urtez behin egiten dute Euskal Azoka Ikaztegietan, eta aurten egitea tokatzen da. Apirilaren 22an izango da eta egitaraua aurrerago zehaztuko badute ere, herritarrak gonbidatu nahi ditu udalak postua jartzera animatu daitezen.
Postua jarri nahi duenak udaletxean eman beharko du izena, eta zer eskainiko duen zehaztu beharko da bertan. Otsailaren 27a izango da apuntatzeko azken eguna.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!