Festa eguna izan da gaurkoan Ikaztegietan. Usadio handia duen kirol proba ospatu dute herrian eta Herrigintza elkartearen bueltan bildutakoak buru-belarri aritu dira herri krosaren antolakuntzan.
50 bat parte hartzaile izan dira Ikaztegietako XXXI. Herri Krosan. Azken urteotako kopurua murrizten joan da, eta Behobia-Donostia proba ezagunaren aurreko asteburuan tokatzea ez die mesede handirik egin.
Edonola ere, lehia festa gisara txalotu dute herritarrek. Kirolariek berriz, hamar kilometroko zirkuitua osatu behar izan dute. Hiru itzuliz osatutako zirkuitua izan da, eta honenbestez korrikalariek behin baino gehiagotan jaso dute senideen txalo zaparrada.
Sailkapena
Helmuga zeharkatzen mutiletan azkarrenak ondorengoak izan dira, hurrenez hurren:
1. Joseba Olaetxea Amenabar. (Tolosa). 0:32:45.
2. Eñaut Larrea Lazkano (Ikaztegieta). 0:33:10.
3. Jabi Gasanz Barragan. (Altsasu, Nafarroa). 0:33:15.
Nesken podioa berriz, ondoren zerrendatu bezala itxi da:
1. Nagore Azkue Oria. (Tolosa). 0:38:33.
2. Maialen Gurrutxaga Perez (Andoain). 0:38:57.
3. Edurne Arakistain Jauregi. (Legorreta). 0:43:00.
Beteranoen podioari dagokionez:
1. Gizonezkoa. Egoitz Zalakain Erbiti. (Lekeitio, Bizkaia). 0:33:27.
1. Emakumezkoa. Elena Beristain Artetxe. (Zarautz). 0:43:55.
Herritarren zerrenda erreparatuta:
1. Gizonezkoa. Uxer Mozo Eizmendi. 0:37:02. (Ikaztegieta).
1. Emakumezkoa. Ina Agirre Otamendi. 0:58:34. (Ikaztegieta).