Bolitarrak taldeak irabazi du Ikaztegietako Lauko Futbol Txapelketa

Tolosaldeko Ataria 2022ko uzt. 16a, 15:12

Ikaztegietako Lauko Futbol Txapelketa jokatu da gaur Ikaztegietako futbol zelaian, eta Bolitarrak taldeak irabazi du lehiaketa. Beroa izan da eguneko protagonista nagusia, eta baita parte hartu dutenen arteko giro ona ere. Ikaztegieta taldeko Mokthar izan da, berriz, lehiaketako jokalaririk onena.

Antolatzailea den Kutturru taldeak eskerrak eman dizkie parte hartu duten talde guztiei, eta baita Ikaztegietako Udalari, Ikaztegietako Ostatua Tabernari eta Legorretako Bartzelona jatetxeari, "beraiek gabe ezinezkoa izango baitzen torneo hau aurrera eramatea".

Ondorengoak izan dira emaitzak: Ikaztegieta 9, Gael 4; Bolitarrak 6, Kutturru 4; Kutturru 6, Ikaztegieta 4; Bolitarrak 8, Gael 1; Kutturru 8, Gael 4; eta Bolitarrak 6, Ikaztegieta 4.

Sailkapena, beraz, horrela geratu da:

1. Bolitarrak     9 puntu
2. Kutturru      6 puntu
3. Ikaztegieta  3 puntu
4. Gael              0 puntu

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!