Ikaztegietako eskolako haurrek txakur kakak jasotzeko mezuak dituzten kartelak egin eta kokatu dituzte gaur herriko leku ezberdinetan. Ikaztegietako Udalak herriko eskolako haurrengandik jasotako mezuari erantzunez egin du herrira begirako ekimena. Udalarekin batera, zozketa bidez egokitu zaien ikasleak izan dira herriko berdegune ezberdinetan kartelak jarri dituztenak.
Txakurren kakak bertan uzten dituzten txakur jabeak kontzientziatzea nahi du Ikaztegietako Udalak. Eremu berdeak, batik bat, umeek erabiltzen dituztenak "garbi behar ditugula", esan du Bakarne Otegi alkateak. Haurren kexari erantzunez, eskolan gaia lantzeko eskatu zieten, eta kartel batzuk egin dituzte ikasleek taldeka banatuta. Guztira bederatzi kartela ezberdin egin dituzte, baina guztiek mezu bera dute: txakur kakak jaso egin behar direla.
Udalak kartelak herrian barrena kokatzeko prestatu ditu, eta kartel horiek jartzen ere haurrek parte hartzea nahi izan du.