Ikaztegietako Ostatuak eta udalak elkarlanean antolatu dute Oinatz Bengoetxearen partida, baina partidaz harago, festa eguna izango da larunbatekoa.
Pilota jaialdia 12:00etan hasiko da Ikaztegietako Galtzalde pilotalekuan. Bengoetxea VI. ak Irazustabarrena alegiarra izango du atzelari, eta aurkari Zubeldia eta Erasunek osatutako bikotea izango dute. Partida nagusiaren aurretik, ordea, herriko pilotari gazteen partida jokatuko da.
Partidak ikusi nahi dituenak sarrera erosi beharko du. 10 euro ordaindu beharko da, eta herriko Ostatuan daude salgai. Egunean bertan ere sarrera eskuratzeko aukera izango da. Antolatzaileek partidan zehar zozketak egingo direla adierazi dute. Ostean, Ostatu tabernan pintxoak izango dira. Giro ederrarekin jarraitzeko, arratsalderako garagardo dastaketa prestatu dute, eta Legorretako Basabe artisau garagardo ezberdinak dastatzeko aukera izango da.