Ohiturak alde batera utzi gabe, urtero Ikaztegietako Herrigintza Elkarteak antolatutako XXX. Herri Krosa ospatu dute gaurkoan. Herriko txikien txanda izan da lehena, 10:45etan hasita, eta guztira 35 korrikalari izan dira bertan parte hartu dutenak. 11:00etan ekin diote helduen krosari, eta 10 kilometroko lasterketan 75 korrikalari inguru izan dira aurtengoan.
Gizonezkoen kategorian azkarrena David Garcia durangarra izan da 0:31:37 denborarekin. Atzetik izan ditu Aitor Regillaga tolosarra (0:31:48) eta Angel Vazquez Iglasias lazkaotarra (0:33:04). Sergio Garcia alsasuarrak egin du laugarren 0:33:45 denborarekin.
Emakumezkoen kategorian Izaro Rubio ordiziarrak jantzi du txapela, 0:37:19 denborarekin. Saioa Arkonada oñatiarra geratu da bigarren (0:37:41) eta Maialen Gurrutxaga andoaindarra hirugarren (0:39:54). Eneritz Iraola bidaniarrak egin du laugarren 0:40:22 denborarekin.
Herriko lehenak izan dira Eñaut Larrea (0:34:52) eta Ina Agirre (0:58:54).