Ikaztegietako Udala haurrei begira jolas eremu natural berriak sortzeko lanean ari da. Hori dela eta, proiektua herritarrei ezagutzera eman nahi diete, eta era berean, azken ukituak emateko haurren eta helduen iritziak jaso nahi dituzte.
Horretarako, hilaren 9an, asteartean, bilera irekia egingo dute. 16:15ean, udaletxeko erabilera anitzeko gelan izango da, eta herritarrak parte hartzera animatu nahi dituzte: "Parte hartzea garrantzitsua iruditzen zaigu, zuen iritziak eta ekarpenak kontuan hartuko baitira jolastokiei azken forma ematerako orduan".