Tipi-Tapa egitasmoa eta oroimen tailerrarekin hasteko asmoa agertu du Ikaztegietako Udalak. Bi ekimenak osasun neurriak jarraituz egingo dituzte, eta momentuz, Tipi-Tapan ibilaldia bakarrik egingo dute, eta saioa ez dute amaituko hamaiketakoarekin.
Tipi-Tapa ekimeneko lehen saioa urriaren 14an, ostegunean, izango da. Aurreko urteetan egiten zuten moduan, bi ibilbide egingo dituzte: luzea eta motza. 10:00etan elkartuko dira udaletxean, eta behin hasita adinekoek ostegunero izango dute elkartzeko aukera.
Bestetik, oroimen tailerra ere martxan jartzea nahi du udalak. Kasu honetan, lehen saioa urriaren 19an, asteartean, izango litzateke. Saioak, lehen bezala, astearte eta ostegunetan izango dira, 16:00etatik 18:00etara.
Parte hartu nahi dutenek izena eman beharko dute udaletxera gerturatuta edo 943 65 33 29 telefono zenbakira deituta.