Ikaztegieta herrian izandako istripu baten ondorioz, ibilgailu bat trenbidera erori da eta istripu horrek Adif lineako trenbide-zirkulazioa hiru orduz baino gehiagoz etetea eragin du. Segurtasun Sailak jakinarazi duenez, istripua 13:25ean San Lorentzo kalean gertatu da, lur orotako ibilgailu bat galtzadatik atera eta trenbidera erori denean. Garabi batek 15:30ean atera du ibilgailua eta 15 minutu beranduago trenbideko linea guztiz berrezarri da.
Lur orotako ibilgailuan zihoazen gidaria eta albokoa onik atera dira. Gidaria osasun-zentro batera eraman dute, bizkarrean traba batzuk sentitzen zituelako.