Ikaztegietako Udalak peoi bat kontratatu nahi du urtebeterako. Lehen saiakera, Enplegua Sustatzeko Toki-ekintzetarako 2020ko Lanbideko kontratazioetarako laguntza bidez egin zuen, baina ez dutenez kontrataziorik egin, Ikaztegietako Udalak balio anitzeko peoi bat kontratatzeko asmoarekin aurrera jarraitzen du.
Hamabi hilabeteko iraupena izango du, eta lanaldi osoko aldi baterako kontratua izango da. Herriko lan eta instalazio publikoen mantenua eramateko, parke eta lorategien eta hiri altzarien mantenua egiteko, eta kale garbiketa, igeltsaritza, iturgintza, arotzeria eta argiteria lan txikiak egin beharko ditu.
Lanposturako ezinbestekoa izango da euskara jakitea. Horrez gain, langabezian egotea (Lanbiden ziurtatuta edo eguneratutako lan bizitza aurkeztuz) eta baita gida baimena izatea ere.
Aldez aurretik aipatu diren lanetan ezagutza izatea baloratuko dute udaletik.
Interesa dutenek Ikaztegietako udaletxean edota Lanbiden bertan eman beharko dute izena, urtarrilak 15, ostirala, bitarte.