Azaroaren 25a indarkeria sexistaren aurkako eguna da, eta Ikaztegietako Emakume Taldeak, urtea zaila eta berezia doan arren, indarkeria salatzeak eta horren inguruan hausnartzeak «are eta garrantzia handiagoa» duela uste du.
Garai berrietara egokitutako ekimena prestatu du, eta helburua emakumeen aurkako indarkeriari buruz hausnartzea dute. Galdera bat luzatu diete herritarrei: «Ze tresna erabili ditzakegu emakumeen kontrako indarkeriari aurre egiteko?».
Herriko eragile ezberdinekin jarri da taldea harremanetan, baina garbi utzi dute «maila indibidualean parte hartu nahi duena ongi etorria izango da». Ekimenean parte hartzeko aurretik luzatua duten galderari erantzun beharko diote orri zuri batean edota kartulina batean bakoitzaren ideiak adieraziz. «Hitz bat, marrazki bat, azalpen bat...» izan daiteke.
Maila pertsonalean parte hartzen dutenek, azaroaren 25ean bertan, plazako komunen inguruko horman itsatsi beharko dituzte beraien mezuak, eta abenduaren 2a bitartean egongo dira ikusgai. Aldiz, herriko eragileen artean egindako muralak herriko txoko ezberdinetan jarriko dituzte ikusgai.
Indarkeria Matxistaren Aurkako Eguna 2020
Emakumeen kontrako indarkeriaz hausnartzeko deia herritarrei
Urte berezia izan arren, Ikaztegietako Emakume Taldeak indarkeria sexista salatzeko ekimena prest du parte hartzea bultzatuz
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!