Azaroaren 18a dute jarrita Irakurle Taldeari hasiera emateko egun moduan Ikaztegietan, momentuz aurrera badoa ere, eguna gerturatu ahala erabakiko dute egingo den edo ez.
Irakurle Taldeko gidari lanak Kattalin Minerrek egingo ditu, eta lehen saiorako aukeratu duten liburua Eider Rodriguez idazlearena da. Hasiera emateko Minerrek berak proposatua izan da Bihotz handiegia liburua, eta bertan parte hartu nahi dutenek liburu hori irakurri beharko dute.
Koronabirusa dela eta, neurriak hartu behar dituztenez, Irakurle Taldera joan nahi dutenek aldez aurretik izena eman beharko dute udaletxeko 943 65 33 29 telefono zenbakira deituta. Hitzordua 18:30ean izango da, eta lekua izen ematearen arabera zehaztuko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
