Ikaztegietako Udalak konfinamendu ostean sortuta ekimenari jarraipena emanez, bertako produktuak kiroldegian jasotzeko aukera berria martxan jarriko du. Honela, Larreta esnekiak, Aranburu oilategiko arrautzak eta sagar zukua, eta Belardipeko Erleak-en erle jatorriko gaiak jasotzeko aukera egongo da kiroldegiko gelan.
Bertako produktuak herrian jaso nahi dituztenek bihar, hilak 8, aurkezpen bilera izango dute. Udaletxeko erabilera anitzeko gelan izango da, 18:00etan.
Musukoa jarrita izatea derrigorrezkoa izango da bileran, eta osasun gomendioak bete beharko dira.
Bestalde, bilerara joan ezin duenak, udaletxean galdetzeko aukera izango du, eta informazioa emango zaio.