"Segurtasun eta higiene neurriak errespetatzea eta Osasun Sailaren gomendio guztiak betetzea inoiz baino beharrezkoagoa da momentu honetan", esan dute udaletik. Herriko ostatuari dagokionez, jakinarazi du bertako langileak negatibo eman duela PCR proban.
Bestalde, konfinamendu garaian antolatutako boluntario taldea berriz ere martxan dagoela esan du udalak eta herritarren batek laguntza behar izanez gero 688 63 57 75 telefono zenbakira deitu ahal duela gogoratu du.
Bukatzeko, isolatuta edo berrogeialdia betetzen ari direnentzat zabor bilketa berezia martxan jarriko dutela esan dute. Edukiontziak ondorengo lekuetan kokatuko dituzte: udaletxe aurreko bilketa puntuan, Egun sentiako bilketa puntuan, Zigor etxeetako bilketa puntuan, Goisoro etxeetako bilketa puntuan eta Aitu inguruan Txorrone etxeko paretaren kontra.
Beste herritar guztiak orain arte bezala atera beharko dituzte hondakinak sailkatuta dagokion kubo eta egunetan.