San Lorentzo jaiak ospatzen dituzte Ikaztegietan, eta azken egunetara arte itxaron badute ere, aurten ez da festa egunik izango.
"Ez da festa egiteko baldintzarik betetzen, eta azken egunetan, berriz ere, atzera egin dugula ikusita, onena, ezer ez antolatzea dela erabaki dugu", adierazi dute Festa batzordetik.
Herritar guztiei "tentuz" jokatzeko eskatu diete. Jende pilaketak ekiditea dute helburu, eta "festa alternatiborik ez antolatzeko" ere eskatu diete herritarrei.