Herriko eskolako haurrei zuzendutako ludoteka zerbitzua izango litzateke Ikaztegietako Udalak udan eskainiko lukeena. Begiraleak behar ditu, eta lehenik eta behin, herritarrei eskaini nahi die aukera haur eta gazteen aisialdirako begirale gisa lan egiteko.
Baldintzen artean, herritarra izateaz gain, euskara jakitea; 18 urte beteak izatea edo urte honetan betetzea; eta haur heziketarekin zerikusia duten ikasketak izatea edo eta aisialdirako hezitzaile edo denbora libreko monitore titulua izatea jarri dituzte.
Interesatuek maiatzaren 4a, astelehena, izango dute izena emateko azken eguna. Curriculuma udaletxeko udala@ikaztegieta.eus helbide elektronikora bidali beharko da.