Abenduaren 27an jokatu zen Legorretan, Fifusako gazte mailako Gipuzkoako areto futbol txapelketa. Legorretako Bilkoine taldeak irabazi zuen eta bigarren egin zuen Ikaztegietako Kutturru taldeak. Tolosaldeko hainbat herritako gazteek osatutako Gael taldeak egin zuen hirugarren.
Fifusako arauekin jokatu zuten gazte mailako Gipuzkoako areto futbol txapelketa, hain zuzen, Nazioarteko Areto Futbol Federazioa da Fifusa. Gipuzkoan arau horiekin aspaldian ez zela gazte mailako txapelketarik jokatzen.
Hiru partida jokatu zituzten "ikusgarriak" izan zirenak antolatzaileen hitzetan. "Beste behin argi eta garbi geratu zen Fifa-ko arauekin jokatzen dena baino askoz ere erakargarriagoa eta ikusgarriagoa dela benetako areto futbola", esan dute. Udaberrian Kopa jokatu nahi dutela esan dute antolatzaileek, euren asmoa Fifusa areto futbola bultzatzea baita.