Zerura begira jarriko ditu herritarrak Ikaztegietako kultura batzordeak. Azaroa eskaintza ezberdinez bete dute, eta lehena, azaroaren 5ean izango da. Behin ilunduta, 19:00etatik 21:00etara, Aranzadi zientzia elkarteko kideek izarren inguruko azalpenak emango dituzte, plazan.
Ostiralean, azaroaren 8an, herritar baten txanda izango da. Maddalen Diazek, Nola bizi hondakinik sortu gabehitzaldia eskainiko du. Larunbatean, berriz, josten ikasteko tailerra izango da joskintzan lehen pausoak ematen hasteko. Oinarrizkoa izango da, hau da, botoia jarri, zulo bat josi, baxua hartu edota kremailera bat nola jartzen den erakutsiko da, bi ordutan. Interesatuek udaletxean izena eman beharko dute, eta azaroak 4 da azken eguna. Tailerrera bakoitzak josteko beharrezkoa den oinarrizko materiala eraman beharko du, eta baita praktikan jartzeko arropa edota oihala ere.
Hortik aurrera, 15ean, Urko Perez joango da pornografiaren gaineko hitzaldi bat ematera. 16an, herri krosa izango da arratsaldez, eta 17an, Erretirodunen Eguna ospatuko dute. Indarkeria Matxistaren Kontrako Nazioarteko Eguna dela eta, elkarretaratze zaratatsua egingo dute, eta 28an, Ikazne pertsonaiak agerraldia egingo du liburutegian, istorioa kontatuz. Eta hilabetea ixteko Pobresiakikus-entzunezkoa izango da.
Abenduan, Euskararen Nazioarteko Eguneko ekitaldietara adi egoteko deia egin dute. Haurrek ipuin kontaketa izango dute, eta helduek dokumentala. Eta urtea amaitu aurretik, Olentzero eta Mari Domingik ez dute hutsik egingo.
KULTURALDIA
Azaroak 5, asteartea
19:00-21:00.Izarren gaueko behaketa Aranzadi zientzia elkartearen eskutik, plazan. (Herriko argiak itzaliko dira).
Azaroak 8, ostirala
19:30. Nola bizi hondakinik sortu gabehitzaldia, Maddalen Diazen eskutik, udaletxeko erabilera anitzeko aretoan.
Azaroak 9, larunbata
10:00-12:00.Josteko tailerra: Botoia, kremailera, bajuak, zuloak… nola josi?Udaletxeko erabilera anitzeko aretoan. Azaroak 4 da udaletxean izena emateko azken eguna, eta materiala bakoitzak berea eraman beharko du josteko tailerrera.
Azaroak15, ostirala
19:00.Pornografía web como productora de masculinidad prostituyentehitzaldia, Urko Perezen eskutik, 19:00etan, udaletxeko erabilera anitzeko aretoan.
Azaroak16, larunbata
16:00.Herrigintza elkarteak antolatuta Ikaztegietako XXIX. Herri Krosa umeak.
16:30.Helduak. 10 kilometro.
Azaroak 17, igandea
12:15. Sutarri dantza taldearen emanaldia udaletxeko erabilera anitzeko gelan.
14:00. Erretirodunen bazkaria, Ostatun. Azaroak 11 baino lehen eman beharko da izena, udaletxean.
Azaroak 25, astelehena
18:30.Indarkeria Matxistaren Kontrako Nazioarteko Eguna. Elkarretaratze zaratatsua, plazan. Ekarri zure ontziak zarata ateratzeko!.
Azaroak 28, osteguna
16:30.Ikazneren istorio kontaketa, liburutegian, 16:30ean.
Azaroak 29, ostirala
19:00.Pobresiakikus-entzunezkoa, udaletxeko erabilera anitzeko aretoan.
Abenduak 3, asteartea
Euskararen Nazioarteko Eguna: Egon Adi!!!
Abenduak 12, osteguna
16:30.Oihaneko tira-birakAne Gebara Ipuin kontalariarekin, liburutegian.
Abenduak 13, ostirala
19:00.Arrastoandokumentalaren proiekzioa, udaletxeko balio anitzeko gelan.
Abenduak 24, asteartea
18:00.Olentzero eta Mari Domingiren etorrera, plazan.