Ikaztegietako jaiak 2019

Hiru eguneko jai egitarauari hasiera eman diote

Ikaztegietan San Lorentzo festak ospatuko dituzte, gaur, bihar eta etzi; Herriko memoria tailerrean parte hartzen duten emakumeek piztu dute jaiak hasteko suziria.

Txupinazoaren ondoren herritarrek dantza egin dute plazan, eta segidan, buruhandiak atera dira txikienen atzetik korrika saio batzuk egitera. Zinta karrerarekin borobildu dute goiza bazkaldu aurretik.

Arratsaldean umeentzako puzgarriak eta merienda izango dira eta iluntzean patata tortilla lehiaketa eta afaria izango dira. Ostabe eta Bedeinkatuak taldeek jarriko dute giroa gauean.

Bihar San Lorentzo eguna, kuadrillen eguna izango da Ikaztegietan eta iganderako ere egun osorako ekitaldiak antolatu dituzte. Ikusi egitaraua hemen.

Erlazionatuak

Memoria tailerrean parte hartzen duten emakumeek piztu dute suziria

Ikaztegieta

Memoria tailerrean parte hartzen duten emakumeek piztu dute herriko jaiei hasiera emateko suziria. Ondoren herritarrek dantza egin dute, buruhandia...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!