Ikaztegietako Herrigintza elkarteak irteera bat antolatu du urriaren 20rako. Azken urteotan egin moduan, Arabako bodega batera joango dira, hain zuzen, Laguardia ondoan dagoen Gomez de Segura bodegara.
Izena emateko epea zabalik da, eta interesatuek urriaren 14a baino lehen eman beharko dute izena, ordainketa egitearekin batera. Bazkideek 50 euro ordaindu beharko dituzte, eta ez bazkideek, berriz, 60 euro. Prezioaren barruan sartzen dira autobusa, bodegako bisita, hamaiketakoa eta bazkaria. Urriaren 20an 09:00etan irtengo dira kiroldegiko aparkalekutik.