Irailaren 21etik aurrera Ikaztegietako Udalak egitasmo berri bat jarriko du martxan, hirugarren adineko biztanleei zuzendua: Ikaztegieta Tipi-Tapa. Bestalde, udalak erretirodunentzat Nafarroara irteera antolatu du ostiral honetarako.
Tipi-Tapa egitasmoari dagokionez, astean behin, herriko boluntario talde baten laguntzaz, oinezko ibilaldiak burutuko dira herri inguruan zahartzaro aktiboa eta ohitura osasuntsuak sustatzea helburu izanik. Egitasmoaren xehetasunak azaltzeko, aurkezpena egingo da bihar, irailak 12, 17:00etan, udaletxe azpiko aretoan.
Erretirodunentzat irteera dagokionez, irailaren 14ean izango da, eta Nafarroara joango dira. Peru Harri Museo bisitatuko dute, Leitza herria ere bai, eta bazkaria Hotel Baztan jatetxean egingo dute. Arratsaldean Elizondo ezagutzeko aukera izango dute. Izena emateko azken eguna gaur da, eta 20 euro ordaindu behar dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
