Ezin izan du ikaztegietarrak zizurkildarra mendean hartu. Ikaztegietako Galtzalde pilotalekuan jokatu dute partida, eta zaleen oihuak herritarraren aldekoak izan arren, partida guztian atzetik aritu da eta 22-16 amaitu dute. Nagusi izan da Erasun, sendo aritu da; Urretabizkaiak aldea laburtzea lortu du behin baino gehiagotan, baina, 20-13an zaintiratua izan du eskuin izterrean eta hala nola amaitu du partida.
Hala, Erasunek jokatuko du Promozio txapelketako finala maiatzaren 19an, Iruñeko Labrit pilotalekuan. Hirugarren eta laugarren posturako partida, aldiz, maiatzaren 11n izango da, eta Gorka eta Urretabizkaiak jokatuko dute, azken hau ondo jartzen bada behintzat.
