Jaialdia 17:00etan hasiko da, eta Bengoetxea V.ak eta Elezkano II.ak ere hor jokatuko dute, txapelketako partida, baina kasu honetan lehen mailakoa.
Urretabizkaiak nagusitasun osoz irabazi zion Peña tolosarrari (22-6) final zortzirenetako neurketan, herrian bertan. Hain zuzen, 30 bat laguneko herritar talde bat Labriten izango da, Urretabizkaia animatzen.
Erasun, asteartean
Erasunek, berriz, maiatzaren 1ean jokatuko du final laurdenetako kanporaketa. Zizurkildarrak Ugalderen aurka neurtuko ditu indarrak, 17:00etatik aurrera, Donostiako Atano III.a pilotalekuan.