Pilota jaialdia 17:30ean hasiko da eta lehenbizi herriko pilota eskolako haurrak ariko dira frontoian. Ondoren, afizionatuen txanda izango da, lau t'erdian: Uxer Mozo ikaztegietarra eta Gorka Artola amezketarra nor baino nor ariko dira. Azkenik, Peña eta Urretabizkaiaren arteko partida jokatuko da.
Sarrerak aldez aurretik salgai daude 8 eurotan Ostatu tabernan. Egunean bertan, leihatilan, 10 eurotan erosi ahalko dira sarrerak. Jaialdia Ikaztegietako Udalak antolatu du, Intxurre Pilota Elkarteak lagunduta.
Profesionalen pilota partida ikusteko aukera izango da apirilaren 14ean Ikaztegietako Galtzalde pilotalekuan. Peña II.a tolosarrak eta Urretabizkaia II.a ikaztegietarrak Promozio Eskuz Banakako Txapelketako partida jokatuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!