Ikaztegietako Galtzalde pilotalekua jendez bete da Beñat Urretabizkaia herritarraren partida ikusteko. 2-0 galtzen hasi bada ere, laster hartu du aurrea eta partida guztia egin du aurretik. 6-12tik 6-22ra egin du zuzenean herritarrak. Sakez indartsu aritu da eta 8 tanto egitea lortu du; jokoan 10 tanto egin ditu.
Profesionaletan debutatu berria da Urretabizkaia eta laugarren partida zuen honakoa. Aurreneko biak irabazi eta hirugarren partidaren zapore gazia goxatzeko aukera izan du herrian bertan.