Oriako ertzainek hiru gazte (25, 24 eta 20 urte) atxilotu zituzten asteazkeneko goizaldeko 03:00ak aldera, ihes egiten ari zirela Gabiria parean. Atxilotuetako bi gaztek lapurreta aurrekariak badituzte.
Zainketa lanetan ari ziren ertzainek zaratak entzun eta enpresa baten atzealdetik hiru pertsona korrika ikusi zituztenez, gerturatu eta kotxe batean ihes egiten ikusi zituzten, segurtasun sailak jakinarazi bezala. Bertan zeuden ertzainek laguntza eskatu eta N-1 errepidean segika izan zituzten. Kotxea Gabiria parean gelditzea lortu zuten.
Ondoren, hiru gazteak Tolosako epaitegiaren esku geratu ziren.