Pasa den asteko asteazken goizean Guardia Zibilak agertu ziren Ikaztegietako Elizalde kalera. Bertako etxebizitza bateko pisua bat miatu ostean atxilo eraman zuten gizonezko bat.
Ostegunean, Guardia Zibilaren prentsa departamentutik delitu telematikoekin zerikusia duen operazio baten barneko atxiloketa izan zela adierazi zioten TOLOSALDEKO ATARIA-ri eta gaur emandako informazioaren arabera, haur pornografiaren bueltan dabilen operazioa dela zehaztu dute.
Operazioak oraindik irekita jarraitzen du eta honen ondorioz, ez dute operazioaren egoeraren inguruko xehetasun gehiagorik eman nahi Guardia Zibilen prentsa bulegotik. Asteazkenean atxilotutako gizona aske dago dagoeneko.
Espainiar estatu mailako operazioa da Guardia Zibila aurrera ematen ari den hau eta dagoeneko asko dira operazio honen inguruan atxilotutakoak. Ikaztegietan izan diren Guardia Zibilei Unitate Zentral Operatiboko(UCO) agenteak gehitu zitzaizkien. Guardia Zibilaren polizia judizialaren organo nagusia da UCO.
Asteazken arratsaldean atxilotu zuen Guardia Zibilak Ikaztegietan bizi zen gizonezkoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!