Hiru haurrek izena emana dute aurtengo ikasturterako. Hauek, gela zaharra urrian utziko dute. Orain arteko haur eskolak gabezi batzuk zituen, eta horiei aurre egiteko eta herritik apartean ez egokiteko erabaki dute Herri Eskoletara eramatea 0-2 urte bitarteko haurren eskola. Hezkuntza Sailaren Haurreskola Partzuergoa, Ikaztegietako Udala eta herriko hezitzailea ados agertu dira erabakiarekin.
Ikaztegietako Haurreskolak egoitza berria izango du iraila amaieran edo urrian zehar. Egokitze lanak egiten ari dira une honetan, eta nahiz eta ikasturtea egungo haur eskolan hasi, hilabetera Herri Eskoletako gela berrira joango dira.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!