Ikaztegietako Leire Olaberria txirrindulariak 41:48ko markarekin gailendu zen erlojupeko Espainiako Txapelketan, eta Tolosako Irene Sansebastianek zilarrezko domina lortu zuen errepideko lasterketan, zirkuituko 90 kilometroak 2:38.50ko denboran eginda.
Erlojupeko Espainiako Txapelketan Leire Olaberriaren atzetik Belen Lopez sailkatu zen, 42:11 denborarekin. Anna Ramirezek egin zuen hirugarren (42:20) eta Nafarroako Gloria Rodriguezek laugarren sailkapen orokorrean 42:43ko denbora eginaz eta 23 urte azpikoen garaipena lortuz. Ordiziako Irene Usabiaga izan zen bosgarrena (43:11).
Tolosako Irene San Sebastianek aldiz, Espainiako Txapelketako errepideko lasterketako bigarren denborarik onena egin zuen; 2:38.50. Sheyla Gutierrezekin lehiatu zen azken sprintean eta 2:52 minutu gehiago behar izan zituen helmugaratzeko. Leire Olaberriak laugarren egin zuen proba honetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!