Osasun aldetik kili-kolo joan zen probara, baina hala eta guztiz ere, aurkari guztiak garaitu zituen Jauregik. 6,7 kilometroko ibilbidea burutzeko 27 minutu eta 24 segundo behar izan zituen ikaztegietarrak. Bigarren sailkatua Aitor Agirre izan zen, 53 segundora.
Denboraldi osoan zehar bezala, Haika txakur emearekin irten zen Jauregi Burgosen, eta garaipen bikaina lortu zuten biek. Lau lasterketa korritu ditu ikaztegietarrak, eta horietatik hiru irabazi ditu. Donostian, Egian, bigarren postua eskuratu zuen.