Gimnastikako Belabieta Kirol Klubeko oinarrizko jubenil taldeak bi txapelketetan parte hartu zuen joan den asteburuan. Urriaren 10ean, bederatzigarren izan zen Zaragozan ospatutako nazio mailako El Pilar torneoan. Hilaren 12an, berriz, hirugarren izan zen Azkoitiko Elkargunean jokatutako Gipuzkoako Txapelketan, eta, ondorioz, brontzezko domina jantzi zuten gimnastek.
Gimnasta berriak
Bestalde, Belabietak alebin mailako taldea osatu nahi du, eta deialdia zabaldu die gimnastika probatzeko nahia duten 2015ean eta 2016an jaiotako haurrei. «Esperientzia ez da beharrezkoa, nahikoa da gogoa izatea», adierazi dute.
Azkenik, aipatu, Ibarrako klubak 2026-2027 denboraldirako inskripzioa zabaldu duela. Nahi duenak, gimnastika eta balleta egiteko aukera dauka. Klubarekin harremanetan jartzeko, 621 022 105 telefonora deitu edo belabietagimnasia@gmail.com helbidera mezua bidali behar da.