Ibarrako Udalak, Bexen Cardiorekin elkarlanean, herriko bihotz-babesa indartzen jarraitzen du, sei desfibriladorerekin –osasun zentroan, haurtzaindegian, kultur etxean, udaletxean, Gaztezulon eta Izaskun auzoan aurki daitezke– eta boluntario-sare batekin. Horretarako, doako formazioak eskainiko ditu, bihotz-biriketako suspertzea eta desfibriladorearen erabilera modu praktikoan ikasteko. Bihar egingo dute lehena, 10:00etatik 12:00etara, Txotxo lokaleko hirugarren gelan.
Aurretik eman beharko da izena, eta oraindik horretarako aukera dago, 943 67 11 38 zenbakira deituta edo triptikoan agertzen den QR kodearen bitartez. Triptikoak eskura daude udaletxean, kultur etxean, osasun zentroan, Gaztezulon, kiroldegian eta Bizi Nahi lokalean.