Martxan dira Argindegiartetxe baserriaren bideko obrak. Ekaineko euriteek Izaskungo bidean eragindako kalteak konpontzeko asmoz abiatu ditu lanak Ibarrako Udalak. Horretarako, Tesinsa enpresa kontratatu du, Endara ingenieritzak sinatutako proiektuan zehaztutako obrak egin ditzan.
Joan den ostiralean, jarduteko eremua seinalizatu eta makinak eramaten hasi ziren, eta gaur, lanak hasiko dituzte. Obraren iraupena bi hilabetekoa izatea espero du udalak, eta hortaz, denbora horretan bai pertsonek eta bai ibilgailuek pasabidetik igarotzea debekatu ditu udalak. Ibarratik oinez Izaskunera igo nahi dutenek, Elorbe-Izaskun bidea erabili beharko dute.
Udaletik pazientzia eskatu die eragozpenak dituzten pertsonei, eta eskerrak eman dizkie laguntzagatik.
