Idoia Torregarai eta Mirari Martiarena umoregileak Eskailerapekoa izeneko bakarrizketa berria estreinatuko dute Ibarran. Martxoaren 6an eskainiko dute ikuskizuna, 19:30etan, Ibarrako kultur etxean. Sarrera doakoa izango da.
Ikuskizun berrian 40 urteko krisia, nerabezaroa, gorputza eta mendia izango dituzte hizpide, besteak beste. Adierazi dutenez, helburua jendea barrez jartzea da, baita eragitea ere. «Umorea bide eraginkorra da gauza garrantzitsuez hitz egiteko. Zortzi urte daramatzagu Euskal Herriko txokoak alaitzen eta gogoz gatoz berriro», nabarmendu dute.
Horren ostean, emakumeen afaria egingo dute, 21:00etan, Xepla elkartean. Interesa dutenek aurretik eman beharko dute izena Zubiaurren edo kultur etxean, 25 euro ordainduta.