Euskal Herriko Sokatira Txapelketako talde mistoen arteko finala egingo da larunbatean Ibarrako Belabieta kiroldegian 11:00etan hasita. Talde bakoitza lau emakumezkok eta lau gizonezkok osatzen dute.
Ibarra Sokatira Taldekoek parte hartuko dute txapelketan, eta bost talde izango dituzte aurkari: Abadiño, Berriozar, Beti-Gazte, Ñapurrak eta Txantrea.
Iaz ere Belabieta kiroldegian jokatu zen 8x8ko txapelketa mistoa. Orduan Ibarrak laugarren postua lortu zuen, eta podiumetik kanpo geratu zen. Lehen postuan Beti Gazte geratu zen, bigarren Txantrea eta hirugarren Berriozar.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!