Kultur astea abiatu dute Uzturpe ikastolakoek

Ataria 2026ko urtarrilaren 27a

Maite Franko ipuin kontalariak, atzo, Ibarrako saioan. UZTURPE IKASTOLA

Otsailak 6a arte denetariko jarduera antolatu dituzte Ibarrako Uzturpe ikastolakoek; besteak beste, musika eta dantza emanaldiak, ipuin kontaketa, hitzaldiak, ate irekiak, mendi irteera eta erakusketak izango dira.

Maite Frankok gidatutako ipuin kontaketa saioa izan zuten atzo, Emeterio Arrese plazan. Gaur, musika emanaldia eskainiko du Loatzo musika eskolak, 18:30etan, elizan. Gainontzeko egunetarako beste hainbat jarduera izango dira. Hona hemen egitaraua:

  • Urtarrilak 30, ostirala
    • 19:30. Alurr dantza taldearen ikuskizuna, 'Orpo, punta, ttak', kiroldegian.
  • Urtarrilak 31, larunbata
    • 10:00. Ate irekiak, Emeterio Arresen. Espazioetan barrena Uzturpeko proiektua ezagutzeko. Hamaiketakoa.
  • Otsailak 1, igandea.
    • 11:00. Mapa eskuan, inguruak ezagutuz, herriko plazatik.
  • Otsailak 5, osteguna
    • 17:30. Ane Ablanedoren hitzaldia, kultur etxean. Hazten laguntzea: muga, askatasuna eta arduraren arteko oreka.
  • Otsailak 6, ostirala
    • 18:00. Munduko zaporeak. Gaztezuloren 10. urteurrenaren harira.
  • Otsailak 2-6
    • Erakusketa kultur etxean. Uzturpe Ikastolako ikasleek egindako argazkien erakusketa.

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!