Jexux Mari Mujika aizkolari ibartarrak seigarren postua egin du Bigarren Mailako Euskal Herriko Aizkora Txapelketan. Etxebarriko (Bizkaia) frontoian jokatu zen txapelketaren finala, eta sei aizkolari aritu ziren lehian.
Arkaitz Etxebeste izan zen azkarrena, lanak 19.22ko denboran amaituz. Bigarrena Ibai Soroa, minutu batera zehatz-mehatz, 20.22rekin. Ugaitz Mugertza izan zen hirugarrena, 22.54 eginda. Xuban Kañamaresek lortu zuen laugarren postua, 23.57ko denborarekin. Eneko Saralegi izan zen bosgarrena, 26.18 egin eta gero. Seigarren eta azkena finalean Mujika izan zen, lanak 27.51ko denboran amaitu eta gero.
Argazkiak: Ibon Errazu Uria